Frábærri helgi lokið og kuldahrollur í mér

Það var nú svo að á föstudaginn fór ég í Erfðafræðipróf þar sem ég ætlaði mér að ganga ofsalega vel en mér gekk samt ekki eins vel held ég og ég ætlaði mér...sem þýðir að ég slepp ekki við að lesa 40% af efninu fyrir lokapróf...en þetta kemur betur í ljós á föstudaginn.

Strax eftir prófið var farið heim að pakka niður fyrir sumarbústaðarferðina sem var í alla staði ofsalega hugguleg og góð...komst að því að við erum orðin ægilega hjónaleg, spiluðum úr okkur allt vit og fórum á Geysi og í göngutúr :) Það var nú líka farið í pottinn og vorum við í voðalegu ströggli að ákveða hvað hann ætti að vera heitur...a.m.k kom maður alveg karfarauður úr pottinum....hehe spurning að hafa hann einhverjum gráðum kaldari :)

Á sunnudaginn fórum við svo í heimsóknir á Selfossi. Við fórum til Sigrúnar, Heimis og Ólöfu Völu þar sem strákarnir gátu leikið Tiger Woods 07 eitthvað golfleik meðan við Sigrún dáðumst að litlu skvísunni :) Fórum svo til Sævars Gísla og Halldóru sambýlingskonu hans og þar fékk ég að sjá ansi hreint fróðlegt myndband úr óvissuferðinni þeirra...eitthvað fær mig til að halda að Gummi hafi ekki búist við því að ég fengi að sjá þetta því hann var a.m.k ekkert að reyna að passa sig :)

BTW væri alveg til í að sjá myndbandið sem var tekið úr óvissuferðinni okkar...spurning hvort væri hægt að redda því fyrir saumaklúbbinn hjá Hlíf og Höllu??

Enduðum svo í mat hjá henni mömmu og svo tók ég Hörpu með mér á handboltaleik þar sem Selfoss B var að spila á móti Bifröst sem var ansi hreint ekki spennandi en þó ágætlega skemmtilegt að fylgjast með en hann fór 49-22...greinilega ekki alveg nógu góðir þarna á Bifröst í handbolta.


Þannig að helgin mín var í alla staði góð...

ohh ég er svo dugleg!

Já það er bara alveg satt, ég er búin að vera ofsalega dugleg að búa til plön og framfylgja þeim í þessari viku...veit að þetta hljómar fáránlega en þá finnst mér alveg ofsalega gaman að gera alls kyns plön! Dagbókin mín er bara mitt yndi og ég elska þegar hún er vel skipulögð...(ókey þetta er núna farið að hljóma enn verr) en allavena þá hafa öll plön staðist og lærdómurinn er á góðu róli! ...vonandi að það svo skili sér í jólaprófunum ;)

Í gær kom lítili skotta og móðir hennar í heimsókn til okkar og voru í kvöldmat, María Hrönn systir Gumma og hún Valdís Katla sem er ný orðin eins árs. Hún var alveg að fíla í botn alla þessa athygli og leikgleði í okkur Gumma en hún er svo ofsalega skemmtilegt barn og svo gaman að henni :)

Jæja helgarplanið er það að við ætlum útúr bænum og vera í sumarbústað um helgina...ég fékk þetta komment í vikunni "þið búið ein og til hvers að fara þá ein uppí sumarbústað??!"
Svar:
Af því þegar maður er heima þá er alltaf eitthvað sem maður þarf að gera, þrífa, setja í þvottavél og einhver svona lúmsk samviskutilfinning sem er yfir manni ef maður er ekki að gera neitt. Um helgina ætlum við sem sagt að hlaða batterí og koma hressari en aldrei fyrr í komandi viku...Pottur, bjór, grill, spil, hvítvín, sófi og náttbuxur...mmmm...gerist ekki betra :)

Yfir og út af Klausturstíg 9!

Sunnudagur og ógeðishaustveður!

Þá er enn ein helgin liðin...

Við skötuhjúin fórum á Selfoss á föstudaginn enda var hann Gummi að fara í óvissuferð með sínum vinum. Eitthvað hefur sú ferð verið ansi skrautleg miðað við ástandið á mínum þegar hann loksins rataði heim! Ég eyddi kvöldinu heima hjá Beggu (hennar maður líka í óvissuferð) og voru Harpa, Berglind Ósk og Heiðrún einnig þar.

Laugardagurinn var ósaplega letilegur þar sem sumir voru gjörsamlega ónýtir eftir föstudagskvöldið...

Vikan framundan verður lærdómur útí eitt, já já önnin er meira en hálfnuð núna og þá verður að spýta í lófana og koma sér almennilega í gang...
Þjóbó stelpur:
Verður einhver á þjóbó á þriðjudag eftir 11:30?