Liðin vika + morgundagurinn hefur ekki alveg verið sú skemmtilegasta.
Gummi er búinn að vera á Akureyri og ég hef verið að læra uppfyrir haus, úff...

Næsta helgi verður svo Selfoss-helgi, þar sem ég er að fara að passa systkini mín. Þið sem verðið á Selfossi(og þeir sem eiga leið hjá) eruð meira en velkomin að koma í heimsókn :)

En svona þar sem ég hef verið ógeðslega dugleg að læra og fengið góðan bakverk sem aukaverkun þarf að lyfta sér upp á einhvern hátt og það hefur sko verið bókhlaðan. Ókey sumir skilja ekki af hverju ég keyri vestur í bæ bara til að læra...en það er bara svo ótrúlega gott að vera þarna með vinkonum sínum :D...Ég, Hrafnhildur og Hulda vorum sem sagt ofsalega duglegar á þjóbó í vikunni og vorum meira að segja komnar í lúmskt prófkastskap með tilheyrandi svefngalsa og gríni :D

en svo að lokum ætla ég aðeins að spá í einu...
Ég var að horfa á Opruh í gær sem eru nú oft fínir þættir. Í gær var læknirinn hennar eitthvað að tala um hollan og óhollan mat og áhrifin á líkamann, já já flott með það. En það sem ég er búin að vera að spá í er af hverju í ósköpunum er hann alltaf í skurðstofugallanum sama hvar hann er??! Í gær fór hann til dæmis í "óvænta" heimsókn til einhverrar konu sem svaf 18 tíma á dag og var alltaf þreytt og hann fór að skoða í ísskápinn hennar. Minn maður mætti að sjálfsögðu í skurðstofugallanum, enda virðist hann ekki eiga neitt annað...og jú svo var hann líka með hanska!...það sem sagt leit þannig út þegar blessuð konan skreið til dyra að hann ætlaði að tækla hana niður og skera hana upp á staðnum....en svona er víst sjónvarpið, hann lítur svo trúverðugur út í svona galla af því enginn nema læknir klæðist svona galla...úff nú líður mér betur ;)

Góða helgi!

Kveldið!

Ég ætla að byrja á því að óska Sigrúnu og Heimi kærlega til hamingju með dótturina, hana Ólöfu Völu. Ég er bara búin að sjá myndir af henni en ég fer fljótlega að kíkja á snúlluna :)

Í gær fór ég í keilu og bingó með stelpunum í skólanum og má segja að við höfum verið aldeilis sigursæll hópur því það hrúuðust vinningarnir á okkur og ég fékk í fyrsta skipti bingó í gær :D

...en heppnin var nú ekki meiri en svo að það var einhver sem keyrði á bílinn minn og lét sig hverfa fyrir utan keiluhöllina. Vitiði að ég er alveg hætt að vera hissa þegar það er keyrt á bílinn minn því það virðist bara vera eitthvað sem þykir orðið ósköp eðlilegur hlutur, þar að segja að keyra á bílinn minn. Díses ég bara skil þetta ekki.

Búbbarnir eru að byrja í sjónvarpinu og ég verð að segja að þessi þáttur finnst mér bara alls ekki fyndinn. Finnst þetta eitthvað svo léleg tilraun til að endurvekja húmor sem dó þegar ég var 8 ára....en ég er samt ánægð með það framtak að framleiða íslenskt leikið efni til að skapa störf fyrir íslenska leikara...en það hefði alveg mátt hafa þetta skemmtilegra.

...en jæja nóg í bili.

Skemmtilegir tímar á Klausturstígnum




jæja síðustu vikur hafa verið rosalega spennandi (eða ekki). Ég byrjaði á því að vera veikur í nokkra daga og svo tók Bylgja við og er hún ennþá veik heima. Sem sagt hjúkku búningurinn er búinn að vera til taks síðustu 2 vikur. Ég á bara 13 daga eftir í vinnunni minni þar sem ég er að fara skipta um vinnu og er fara vinna hjá MS sem sölumaður. Búinn að stytta aksturinn í vinnunna um 24 km samtals(13 km önnur leiðin). Ég get bara ekki beðið.