Jæja jæja jólin koma eftir 3 daga!!
Ég er nú svona eiginlega að verða búin að öllu nema á eftir að kaupa eitthvað handa kallinum :) en ég er á leiðinni í bæinn eftir 10 mín og þá bara verð ég að afgreiða þetta mál :D

En jæja það er rosalega fínt að komast í jólafrí, reyndar er ég að vinna í þessu fríi mínu en það er þó tilbreyting frá skólanum :) og það besta við það að vinna er að þegar maður er búinn í vinnunni er maður sko búinn! og þarf ekki að hafa samviskubit yfir því að horfa á sjónvarp eða eitthvað slíkt :D

Ég er svo bara að bíða eftir 2 einkunnum en hinar tvær var ég mjög ánægð með :) en leiðist voðalega að bíða eftir hinum og þá sérstaklega ónæmisfræðinni sem ég er mjög spennt yfir þar sem það var 100% próf í 4 ein. áfanga...úff enda ekki lítið sem var lært undir það, fjúff!

En þetta er líklega síðasti pistill frá mér fyrir jól þannig að ég vil óska ykkur öllum gleðilegra jóla!

Jæja þá er friðurinn úti fyrir ykkur kvenfólkið. Ég ætla að reyna að vera duglegur og skrifa hér inn á síðunni hennar Bylgju minnar. Ekki mun ég lofa því að ég verði eitthvað stilltur við mín skrif því fyrir mér er fátt heilagt. T.d. eins og þegar ég Bylgja fórum í bónus um daginn að þá var þar starfsstúlka sem fellur í þann flokk að vera einhver sú heimskasta sem ég hef lent í. Það byrjaði að þegar kom að mér og Bylgju á kassanum að þá var sú heimska pínu lengi að ræða við einhverja stelpu sem hún var búin að afgreiða. Það pirraði mig aðeins en ekki mikið. Svo byrjaði sú heimska á atriðinu sínu. 1. við keyptum okkur appelsínur og það tók þá heimsku svona sirrka 45 sek að fatta hvað hún var með í höndunum og gat þá loksins afgreitt það. Ekki var ég rólegur því ég var að fara með hana Bylgju mína að hitta foreldrana mína í fyrsta skipti. 2. Þegar hún var hálfnuð þá stoppaði hún bara og horfði bara út í loftið eins og ekkert væri sjálfsagðra. Ég var farinn að tvístíga af pirringi dauðans og hefði Bylgja ekki bent þeirri heimsku að það væri meira eftir þá hefði ég væntanlega sagt eitthvað sem ég hefði ekki séð eftir. 3. Það kviknaði á perunni sem er ekki meira en 1w af styrkleika og náði hún loksins að klára þetta. Ég gat myrt þá heimsku með augunum einum því tíminn var orðinn naumur að ná á réttum tíma til að hitta foreldra mína og ég hata að koma of seint eitthvert. En þetta hafðist allt saman og ég og Bylgja komum 5 mínútum of seint en það var alveg í lagi en þessi bónusferð fer í metabækurnar fyrir að sjá eitthvað það heimskasta sem gengur laust í ungdómnum í dag.

Jæja það er bara eitt próf eftir og það er á mánudaginn. Líkami og sál er á síðustu bensíndropum en allt tekur þetta enda sem betur fer og mikið hlakka ég til að sofa út á þriðjudaginn :D
En það kom skemmtileg sending til okkar Gumma í gær upp í Breiðholt. Það var umslag með gjafabréfi hjá Radisson SAS uppá heilar 14. þús. Það voru foreldrar mínir sem voru að senda okkur þetta og með fylgdi bréf um að hann Gummi ætti að gera Bylgju gott kvöld og bjóða henni út að borða :D
Já þannig að við drifum í að hringja og panta okkur borð í næstu viku...en ekki nóg með það því við erum að fara líka á jólahlaðborð í Perlunni á mánudaginn! þannig að við eigum eftir að vera ansi södd í næstu viku :D en ég er ógeðslega ánægð að fá svona góðan mat á næstunni, fjandans brauðið er farið að verða ansi þreytandi :/