Líklega mun ég yfirgefa klakann í janúar á næsta ári og flytjast yfir til Svíþjóðar í smá tíma. Þetta er þó allt í vinnslu og mun koma betur í ljós á næstu dögum en það virðist samt eins og allir lítist voða vel á þetta og þá auðvitað fer ég :)
Svo er það nú rúsínan í pylsuendanum að það eru miklar líkur á því að hún Harpa fari til Danmörku í skóla á sama tíma þannig að við verðum þarna nágrannar og eigum ábyggilega eftir að hittast eitthvað þar sem Malmö er bara rétt hjá Kaupmannahöfn :D...þetta verður ábyggilega æðislegt, nú þarf ég bara að fara að ná mér í sænskar bækur og læra sænsku :P

Þið vitið nú kannski flest að ég bý með þjóðfræðinema sem á að safna svokölluðum þjóðfræðidæmum fyrir einhvern áfanga. Jæja um daginn fékk hún leyfi til að taka mynd af tattoo-inu sem ég er með á bakinu og hún sagði eitthvað lítillega frá því á blað.
Jæja áðan var hún að segja mér að þetta dæmi hefði verið tekið fyrir í umræðutíma...og jú alltí lagi með það nema hvað....Ætli kennarinn hafi ekki verið svo djarfur að segja að ég væri með ríðutattoo!!!
OMG ég skammast mín svo mikið....ég er ekki viss um að Auður fái fleiri dæmi frá mér í bráð ;)

fuglarnir okkar
Já ég get sko sagt ykkur það að það er ægilega mikil fuglamenning hérna fyrir utan þar sem fólkið hérna í húsinu er ægilega duglegt að gefa þeim að borða...en allt í góðu með það...
Í gær var ég sem sagt inní eldhúsi að finna mat inní ísskáp þegar ég heyri einhver furðuleg hljóð...ég lít upp og þá eru komnir TVEIR skógarþrestir inní eldhús!!! Mér brá svo geðveikt að ég öskraði og öskraði eins og það væri maður að fara að drepa mig...og ég hljóp inní stofu þar sem Auður og Sævar horfðu á mig undrandi augum og skildu ekkert hvað væri í gangi :D
Þeir komust þó út og enginn skaðaðist við þessi ósköp nema ég hló svo mikið eftir á að það var ekki lítið...

Ég held ég hafi fengið mér aðeins of mikið kaffi í kvöld...ég er nákvæmlega ekkert þreytt...
Þannig var málið að hún Heiðrún Guate-félagi minn bauð mér og Arnóri Guate-félaga í mat til sín og eins og alltaf þá var þetta alveg frábært kvöld...alltaf gaman að hitta svipaða vitleysingja og ég er :) Þannig að þetta lyfti nú aðeins upp hversdagsleikanum hjá mér :)

Það er svo nákvæmlega ekkert að gerast hjá mér þessa dagana :)
Líf mitt mætti nú alveg verða meira spennandi núna á næstunni...
Komið mér á óvart!!!