komiði sæl og bletzuð!
ég get sko sagt ykkur að það fór vel um mig hjá Heimi og Sigrúnu á fimmtudagskvöldið....Heimir hrissti í Bailey´s fyrir okkur og við bara lágum fyrir framan sjónvarpið með Bailey´s í klaka...betra getur það varla orðið :)
Ég fór einmitt til þeirra aftur í gærkvöldi og við horfðum á sjónvarpið...meðal annars fylliraftana í fsu sem voru að dimmitera í djúpu-lauginni. Þar voru svo góðkunningjar Selfossbæjar að keppa um þennan bara ágætlega mann sem var hinu megin við tjaldið...
Ég veit ekki hvort maður eigi að segja það en ég var ekki sammála honum um valið á stúlkunni...ef ég hefði mátt ráða þá hefði hann sko fengið hana Önnu Möggu með sér :)
...en hvað um það....Sigurjón, Ásdís og Auður voru aðalleikararnir í salnum og ég er ekki frá því en hún Auður hafi fengið sér aðeins í glas um daginn...hehe...enda hringdi hún svo í mig eftir þáttinn og staðfesti það ;)...en það er ekkert til að skammast sín yfir því að dimmitera er algjör snilld og maður er ekkert að spara sjússinn. Sem minnir mig á eitt sem ég komst að í morgun....ég og ein vinkona mín úr lífefnafræðinni vorum að ræða um þann dag sem við dimmiteruðum og við komumst svo að því að við hittumst þegar við vorum að dimmitera :)...fyrir utan Heiðrúnu :). Hún er sko af skaganum þannig að maður er enn og aftur að komast að því að þetta er svo geðveikt lítið land!!!

já það verður spennandi að sjá í kvöld hvernig ástin hefur þróast hjá vinum okkar, Andrew og Jen Firestone. Maður hefur þó frétt að það sé allt í góðu hjá þeim hjúunum. Mér tókst aldeilis að hrista upp í íbúum Skerjagarðs því ég setti brunavarnarkerfið í gang um kl. hálf tólf í gærkvöldi :)
Þannig var mál með vexti að ég ætlaði að hafa kósí hjá mér og kveikti á kertum í kertastjaka sem ég fékk frá Sigurjóni í 20 ára afmælisgjöf....það hafa eitthvað verið undarleg kertin í honum því það bara kveiknaði í einu kertinu og bara kom bál...og ég gat engan vegin slökkt í þessu þannig að ég hellti vatni yfir það og viti menn það var eins og ég hafi helt olíu á eldinn því það gaus upp bál upp í loft!...en svo loksins slokknaði eftir betri gusu....og þá fór auðvitað allt í gang með látum....og ég hljóp niður og slökkti á kerfinu. Svo prentaðist út miði með nr. á minni íbúð og eitthvað meira...og það stóð að það mætti ekki taka miðann því öryggisvörður þyrfti að athuga hann....en ég tók hann :D ég ætlaði sko ekki að láta sjá hver hafi sett allt í gang ;)
það var samt alveg fyndið að það opnaðist engin hurð hjá neinum...þannig að það brenna ábyggilega allir inni ef það kviknar í...

já komiði sæl..
já ég get sko sagt ykkur það að ég lennti aldeilis í snúning í gær...ég var nefnilega á leiðinni til Rvk og það var nokkuð slæmt veður á heiðinni. Ég lennti svo í því að ég þeyttist fram og aftur um götuna, þeyttist í hringi og ég veit ekki hvað og hvað....ég bara vissi ekki hvoru megin ég myndi lenda útaf! en nei hún Bylgja reddaði að halda sér á götunni og slapp alveg án meiðsla :)
Ég get sagt ykkur það að mitt fyrsta próf verður miðvikudaginn eftir tvær vikur! þannig að þið eigið líklega ekki erftir að heyra mikið frá mér núna til 18 des. sem er síðasti prófdagurinn minn...
en já helgin....ég fór á selfoss á laugardaginn af því að mér leiddist svo svakalega hérna á föstudagskvöldið, en nei þá bara ákveður helm. af selfossbæ að fara í bæinn og hinir sem eftir voru nenntu ekki að gera neitt...og ég var í svo miklu bjórstuði...en að lokum þá hafðist að plata Hörpu og Helgu Bettý út með mér. Við skemmtum okkur bara ljómandi vel saman :) þannig að þið hin sem komuð ekki eruð bara asnaleg!

komiði sæl...
Ég á alveg einstaka vinkonu sem þið þekkið líklega öll...en hún heitir Sigrún Helgadóttir :)
Hún hringdi í mig í gær og var að spá hvort ég vildi læra með sér...jújú ekkert mál ég ákvað að slá til...svo rétt áður en ég fór af stað þá hringdi hún í mig og sagðist hafa skorið sig og ég þyrfti að koma og kíkja á þetta...þar sem hún Sigrún getur stundum verið örlítið ýkt með svona (að ég hélt) þá hélt ég að þetta væri ekkert alvarlegt...en svo þegar ég kom til hennar þá hafði stelpan skorið ofaná þumalinn í gegnum hálfa nöglina!!! þannig að ég sá að það var ekkert annað að gera í stöðunni en að drífa sig á slysó...þar sem það blæddi nú líka þvílíkt! Það var blóð útum allt eldhús! allir veggir, skápar og allt útí blóðslettum!...við fórum sem sagt á gamla Borgarspítalann og biðum þar í nokkra tíma þangað til að það kom ungur og myndarlegur læknir sem saumaði hana 3 spor í puttann...Sigrún ætlaði nú bara aldrei að dofna í puttanum og þurfti hún að fá 2 fullar sprautur af deyfingu í puttann þannig að hann var vel útblásinn :)
Sigrún láttu þér batna ;)

til hamingju ég!!!!
Ég var að klára verklega efnafræði í dag! Þannig að núna fyrst ég er búin í öllu verklegu og búin með eðlisfræðina þá er ég ekki nærri því eins mikið í skólanum....sem þýðir reyndar að ég þurfi að læra meira heima fyrir prófin :(
Ég er sem sagt núna í fríi á mánudögum...búin á hádegi á þriðjudögum og miðvikudögum og svo einn tími á föstudagsmorgnum....fimmtudagar eru svo leiðinlegu dagarnir og ég tala ekki um laugardagsmorgna....sem er reyndar bara einn tími...
Þannig að þessi önn fer brátt að ljúka og guð hjálpi mér í pófunum!

í dag var minn síðasti mánudagur í skólanum...fram að jólum þar að segja....
Á laugardaginn gekk allt frekar hægt fyrir sér...við borðuðum kvöldmatinn klukkan hálf tólf og fórum ekki út í bæ fyrr en hálf fjögur!...Þá tókum við taxi beinustu leið á Felix og við vorum varla búin að stíga fæti út úr bílnum þegar dyraverðirnir kölluðu á okkur og hleyptu okkur fram fyrir alla! og það var samt löng röð inn á staðinn og nokkrir í VIP röð! Veit ekki alveg hvað var málið...kannski erum við bara svona sætar ;)
við vorum þar svo í fínni stemmingu þegar við ákváðum að kíkja á Nelly´s sem við hefðum kannski betur átt að sleppa því það var bara alls ekki gaman þar...ég datt úr öllu stuði þegar ég kom þar inn...svo fór ég og Arndís í partý til Frikka eins og sést hér fyrir neðan c",) við vorum nú ekkert lengi þar en við vorum komnar heim klukkan átta og fórum að sofa.......eyddi ég svo öllum sunnudeginum upp í rúmi fyrir framan sjónvarpið....
jæja ég þarf að fara að gera stærðfræðidæmi sem ég á að skila á morgun.....bæjó

komiði sæl og blessuð!!!!!!
Ég var að koma heim núna úr partýi hjá Frikka :) en þetta var ótrúlega rólegt kvöld eitthvað ekki alveg sem ég ætlaði mér en maður ræður ekki örlögum sínum...eða hvað????? allavena þá er ég að bulla núna þannig að það er betra að sleppa því :D
Heyri í ykkur á morgun!

ATHUGIÐ!!!
ég er búin að setja svona spjall hérna neðar á síðunni...endilega verið dugleg að setja inn hugsanir ykkar!

gleðifréttir fyrir mig og aðra...ég gat sett netið hjá mér aftur í gang....það hafði víst verið slökkt á mér hérna...veit eiginlega ekki alveg af hverju en allavena þá er það komið á núna aftur eftir nokkrar vikur án þess...
Ég fór á Hard rock í gær að horfa á Idol með Arndísi, Jórunni og Ásu...og endaði það með að Arndís svaf hér í nótt.
Við Arndís og Jórunn ætlum svo að elda einhvern góðan mat í kvöld og drekka rauðvín með...og endar það ábyggilega einhvers staðar á pöbbarölti í miðbænum....
það verður ábyggilega mjög gott...þið fáið að vita allt um það seinna....

Já það er kominn enn einn föstudagurinn....Tinna kom bara í heimsókn kl 8 í morgun til að gera verkefni sem við eigum að skila í dag.....en hún Tinna á afmæli í dag blessuð stúlkan...Til hamingju með það Tinna!!!
Ég verð í borginni alla helgina en ég er á ruslavakt eins og ég vil kalla það...en ég þarf að vera að skipta um ruslatunnur undir ruslarennunni tvisvar á dag....þetta er bara eins og vera með beljur...maður kemst ekki neitt....
en ég geri nú bara gott úr þessu, gæti verið að ég fari að elda með Arndísi og Jórunni á laugardaginn og drekkum afmælisrauðvínið hennar Arndísar með.
Það er nú reyndar ástand hjá mér núna...þar sem ég er bara mjög fátæk....ég á heilar 10.000 kr til að lifa af mánuðinn en það er bara ógeranlegt þar sem það er bara 7.nóv í dag :/ ég hugsa að ég þurfi að taka út orlofið mitt...nema ég starti söfnunarátak fyrir fátækan námsmenn...vinsamlegast leggið inn á 0586-26-262 fyrir góðan málstað ;) brauð handa soltnum!!!

við Tinna situm hérna í hundleiðinlegum tíma í línulegri algebru og tölfræði....veit bara ekkert um hvað maðurinn er að tala :(
en allavena þá fór ég á Selfoss og gerði ekki neitt....nema að horfa á sjónvarpið...
Það var bara öll famílían heima sem gerist ekki oft þessa dagana...pabbi skipti svo um dekk hjá mér og gramsaði í öryggjunum í bílnum og það fór ekki betur en svo að bílinn skalf alla leiðina í bæinn og klukkan og geislaspilarinn virkaði ekki! Jahérna ég held að það þurfi eitthvað að skoða þetta betur...